Builki "Eurovision" mahnı müsabiqəsi ölkələr və ifaçıların çəkdikləri xərclər baxımından rekord vuraraq əvvəlki illərdə keçirilmiş yarışmaların hamısını üstələyib..
Serbiyanın paytaxtı Belqradda keçirilən "Eurovision-2008" in hazırlanması və translyasiyasına təşkilatçılar 19 milyon avro xərcləyiblərsə, müsabiqəyə sənətçilərini yollamış ayrı-ayrı ölkələrdə səxavət baxımından rekord nəticələr göstəriblər..
Avropa Birliyinin Mədəniyyət Komissiyasından verilən məlumata görə, 53-cü mahnı müsaqibəsi tarixində ilk dəfədir ki, bu qədər xərc hesabına başa gəlib..Belqradın meri Zoran Alimpiç isə bildirib ki, "Eurovision-2008" in keçirilməsinə 19 milyon yox, 19,674703 milyon avro xərclənib.
"Xərclər bununla kifayətlənmir..Serbiya şökuməti müsabiqənin keçirildiyi "Belqrad-Arena"da səhnənin qurulması, işıqlandırma, pirotexnika, translyasiya və digər işlərə 9,6 milyon avro sərf edib..Avropa Teleyayım İttifaqı (EBU) isə Serbiyanın RTS teleşirkəti ilə birlikdə builki "Eurovision"a daha 10 milyon avro ayırmışdı", - Z.Alimpiç deyib.
İştirakçı ölkələrin xərclərinə gəldikdə isə, builki "Eurovision"a ən az pul xərcləyənlər Fransa, Britaniya və Bosniya-Hersoqovina olub..Bu ölkələr müvafiq olaraq 100, 120 və 160 min avro məsrəf ediblər.
Ən çox pul xərcləyənlər isə Rusiya, Azərbaycan və Ukrayna olub..
Azərbaycan
"Belqrad-Arenada" səhnəyə "Day after day" mahnısı ilə çıxan Azərbaycan təmsilçiləri Elnur və Samirə gəldikdə isə, onların finalda 8-ci yer tutmaları Bakıya $12 milyona başa gəlib..
Rusiyanın "LUKoil" neft şirkətinin prezidenti Vahid Ələkbərov, "AST Group" şirkətlər qrupunun sahibi Telman İsmayılov və "Crocus İnternational"ın prezidenti Araz Ağalarov, habelə daha 4 azərbaycanlı iş adamının bütün xərcləri çəkdiyi Belqrad "voyajı" zamanı Elnurla Samirin reklam, promouşn və piar prosesi ən yüksək səviyyədə olub..
Təbii ki, bu səviyyə izafi məbləğdə para da tələb edib..
"Eurovision-2008"də Azərbaycanın reklam olunması üçün "open-air" tipli gecə konsertinin keçirilməsi və bu konsertə əvvəlki "Eurovision" qalibləri arasından ən məşhurlarının dəvət olunması, daha sonra Azərbaycandan xüsusi təyyarə ilə gətirilmiş ən bahalı şampan şərabları, qara kürü, milli xörəklər, meyvələr və təamların masalara düzüldüyüu gecə ziyafəti $2 milyona başa gəlib: 25 min qonağın dəvət olunduğu ziyafəti Serbiyanın RTS telekanalı birbaşa translyasiya edib.."Day after day" mahnısının ifaçılarının "Eurovision"un keçirildiyi şəhərdə daha yaxşı tanıdılması üçün Belqraddın mərkəzi küçələrindən tutmuş, istisnasız olaraq bütün iri ticarət mərkəzlərində Elnurla Samirin təsvirlərinin yer aldığı billbord, plakat, poster və iri reklamlarının yerləşdirilməsinə$1 milyon sərf olunub..
Rusiya
"Eurovision-2008"də Rusiyanı təmsil edən Dima Bilanın müsabiqədə iştirakına 10 milyon avro sərf olunub ki, cəmi iki il əvvəl həmin məbləğə "Eurovision" təşkil etmək olardı..
Bilan səhnədə olarkən onu müşaiyət edən macar skripkaçı Edvard Mortan və məşhur fiqurlu konkisürən Yevgeni Plyuşenko barədə "onlar çıxışlarına görə qonorar almadılar" deyilsə də, Mortana 30 min, Plyuşenkoya isə 120 min avro ödənib..
Yunanıstan və Ukrayna
Digər ölkələrin təmsilçilərinə gəldikdə isə, Ukraynadan olan müğənni Anna Lorakın güzgülü otaqdakı nömrəsinə 500 min avro, onun paltarına isə 200 min avro xərclənmişdi..Bu xərcləri Kiyevin "qlamur ulduzu" Yana Rudkovskayanın sabiq əri Viktor Baturin ödəyib..
Yunanıstanda iki iş adamının ölkənin "Eurovision"dakı təmsilçisi üçün platin və ağ qızıldan hörülmüş paltar sifariş etdikləri söylənsə də, müğənni Kalomira "adi" əlbisədə oxuyub..
